Облыстық “Сөз құдіреті”мәнерлеп оқу байқауының аудандық кезеңі

30 наурыз күні Таран аудандық орталық кітапханасының балалар әдебиеті абонементінің “Достық” КПО оқу залында “Сөз құдіреті. Тірі сөз”. Байқау Қазақстан Республикасы Тәуелсіздігінің 25 жылдығын мерекелеуге орайластырылған….

Байқауға қатысу үшін шығармаларды таңдау қазақстандық жазушылардың қазіргі заманғы (соңғы 25 жылда алғаш рет жарияланған) көркем әдебиетімен шектеледі (жасөспірімдерге арналған шығармаларды немесе балалар, жасөспірімдер әдебиеті шеңберіне енген шығармаларды таңдау құпталады).

Байқау аясында қатысушыларға әдебиет бойынша мектеп бағдарламасына кірмейтін өздері таңдаған прозалық шығармадан қазақ немесе орыс тілдерінде үзінді орындау ұсынылды.

Байқаудың мақсаты мен міндеттері:

– жас ұрпаққа патриоттық тәрбие беру;

– жасөспірімдердің қазақстандық әдебиетке деген қызығушылығын арттыру;

– балалар арасында оқуды насихаттау, балалардың Оқырман ой-өрісін кеңейту, оқитын балалардың мәртебесін арттыру;

– әртістік дарынды балаларды анықтау және қолдау, оларға өз дарындарын көрсетуге мүмкіндік беру;

– қазіргі қазақстандық авторлардың шығармашылығын насихаттау.

Байқауға қатысушылар таңдаған авторлардың ішінде А. Шаяхмет, Д. Рамазан, Н. Келімбетов және т. б. бар.

Байқауға барлығы 12 бала қатысты.