«Ұлтымыздың рухани көшбасшысы» атты виртуалды саяхат
2022 жылы қазақ ағартушысы, мемлекет қайраткері, лингвист ғалым, әдебиеттанушы, түркітанушы, ақын және аудармашы, қоғам қайраткері және саяси публицист, реформатор, «Алаш» партиясының мүшесі Ахмет Байтұрсынұлының туғанына 150 жыл толады. 15 ақпан күні аудандық орталық кітапхана қызметкерлерімен Жангелдин ауданында орналасқан Торғай мұражай кешеніне «Ұлтымыздың рухани көшбасшысы» виртуалды саяхаты ұйымдастырылды. Оқу залында ОАА кітапханашылары, біздің тұрақты оқырмандарымыз, ұйым өкілдері, әріптестер жиналды. Онлайн форматта ауданның барлық ауылдық кітапханашылары қатысты. Іс-шараның жүргізушісі кітапханашы Г.В. Ералиева мұражай директоры Гульбану Құлетқызымен сәлемдесіп, А.Байтұрсынұлының мерейтойына ОАА өткізілетін жұмыстар туралы баяндады. Әрі қарай Гульбану Құлетқызы танымдық және қызықты саяхат өткізді. Жангелді мұражай кешені-Торғай ауылының басты көрнекілігі. Қызыл кірпіштен салынған бір қабатты шағын ғимарат 1991 жылдан бастап көрнекті қазақ әдебиетшілері мен қазақ тәуелсіздігі үшін күресшілері – Ахмет Байтұрсынұлы мен Міржақып Дулатовтың есімімен аталатын әдеби мұражай орналасқан. Барлық қатысушылар Ахмет Байтұрсынұлының өмірі және қызметімен құнды ғылыми еңбектерінің бірегей мұрағаттық сурет материалдары, құжаттары мен қолжазбалары арқылы қызығушылықпен танысты.Жинақты жазушының туыстарынан арнайы жиналған және мұражай залдарында қойылған жеке заттары толықтырады. Олар, әрине, халықтың мұрасы мен қазынасы. Гульбану Құлетқызы мерейтой жылына арналған жоспарлармен бөлісті, бұл – Ахмет Байтұрсынұлының мерейтойына арналған, Қостанай және Нұр-Сұлтан қалаларында өтетін кеңейтілген көрмелер.
