Қазақстан Республикасы Конституциясына 30 жыл: тарих және қазіргі заман

25 тамыз күні Бейімбет Майлин ауданының орталық аудандық кітапханасында Бейімбет Майлин аудандық сот төрағасы Серғазин Серік Боранбайұлының қатысуымен «Қазақстан Республикасы Конституциясына 30 жыл: тарих және қазіргі заман» атты дөңгелек үстел өтті.
Іс-шара барысында қатысушылар Конституцияның мемлекеттің негізгі заңы ретіндегі маңызы, тәуелсіз Қазақстанның қалыптасуындағы рөлі, сондай-ақ құқықтық жүйенің қазіргі даму үрдістерін талқылады. Сергазин С. Б. Конституцияның негізгі қағидаларына тоқталып, азаматтардың құқықтары мен бостандықтарын қамтамасыз етудегі, демократия мен заң үстемдігін нығайтудағы құндылығын атап өтті.
Сонымен қатар жастардың құқықтық мәдениетін қалыптастыру, азаматтардың заңдарды сақтау жауапкершілігін арттыру мәселелеріне ерекше назар аударылды. Дөңгелек үстел соңында қатысушылар өз сұрақтарын қойып, еліміздің құқықтық жүйесінің болашағы туралы ой бөлісті.
Іс-шараға 29 адам қатысты