Белгілі қазақ жазушысы және қоғам қайраткері Бейімбет Майлиннің өмірі мен шығармашылығына арналған Библиоэкскурс
Бүгін Ерғалиев атындағы қазақ мектебінде 7-сынып оқушыларына арналған библиоэкскурс өткізілді. Іс-шара қазақтың белгілі жазушысы және қоғам қайраткері Бейімбет Майлиннің өмірі мен шығармашылығына арналды.
Мақсаты — оқушыларды жазушының өмірбаянымен және әдеби мұрасымен таныстыру, оның туған жерге, халқына деген сүйіспеншілігін шығармалары арқылы көрсету, отансүйгіштікке, әдебиет пен ұлттық мәдениетке қызығушылықты арттыру, сондай-ақ кітапхананың қорында бар жазушының еңбектеріне назар аударту.
Экскурс барысында оқушылар Бейімбет Майлиннің өмір жолы туралы қызықты деректермен танысып, қарапайым халықтың тұрмысын бейнелейтін шығармалары талқыланды. Іс-шара соңында оқушылар өз білімдерін викторина барысында көрсетіп, тәтті кәмпиттер сыйға тартылды.
Іс-шара жылы және танымдық жағдайда өтті, балалардың қызығушылығын оятып, қазақ әдебиетіне деген сүйіспеншілікті нығайтты.



