Жас кітапханашылардың IV слеті

2024 жылғы 21 қазанда Л. Н. Толстой атындағы Қостанай облыстық әмбебап ғылыми кітапханасында Қостанай облысы жас кітапханашыларының IV жиыны өтті. Іс-шараға облыстың барлық аудандарынан 18-35 жас аралығындағы 36 кітапханашы қатысты. Жиынның негізгі мақсаты жас мамандар арасында пайдалы пікір бөлісу, тәжірибе алмасу, жаңа идеялар мен мотивация іздеу үшін алаң құру болды.  Аталмыш слет жұмысына Бейімбет Майлин ауданынан «Үздік жас кітапханашы -2024» байқауының қатысушысы Корякина Нина Олеговна болды.

Жиын бағдарламасы кітапханашылар мен әдіскерлердің кәсіби дағдыларын арттыруға бағытталған көптеген шеберлік сыныптары мен тренингтерді қамтыды.

Жиын шығармашылық және қызығушылық ахуалында өтті. Қатысушылар кітапхана ісіндегі жаңа үрдістер туралы біліп қана қоймай, белсенді түрде тәжірибе алмасты, әрі қарай дамуға қажетті жаңа кәсіби байланыстар мен шабыт тапты.