Жарқыраған жұлдыз — ғалым Шокан Уәлиханов
15 қазан күні Сапар Ерғалиев атындағы мектепте 10–11 сынып оқушылары үшін мазмұнды әрі рухани тағылымы мол шара — «Жарқыраған жұлдыз — ғалым Шокан Уәлиханов» атты әдеби визит түрінде іс-шара өтті.
Іс-шараны аудандық орталық кітапхананың кітапханашысы Нина Олеговна Корякина ұйымдастырып, қазақ халқының ұлы перзенті Шоқан Уәлихановтың өмірі мен ғылыми қызметі туралы қызықты деректермен бөлісті.
Шара барысында оқушылар Шоқан Уәлихановтың өмір жолының жарқын беттерімен танысты. Ол — ғалым, этнограф, саяхатшы, офицер және ағартушы. Шоқан өз халқының тарихында өшпес із қалдырған, білім мен отансүйгіштіктің символына айналған тұлға.
Оқушылар Уәлихановтың балалық шағы, Омбы кадет корпусындағы оқуы, Құлжа мен Қашғарияға жасаған ғылыми экспедициялары және ұлы орыс жазушысы Ф.М. Достоевскиймен достығы жайлы қызықты мәліметтер алды.
Әдеби визит барысында оқушылар ғалымға арналған өлеңдерді оқып, викторинаға қатысып, нағыз ел азаматы болудың мәні туралы өз ойларымен бөлісті.
Іс-шараның негізгі идеясы — Шоқан Уәлиханов өмірінің басты мәні болған халыққа және Отанға шынайы қызмет ету қағидасын насихаттау.
Қазақ халқында дана сөз бар:
«Әкеңнің баласы болма, халқыңның баласы бол».
Шоқан Уәлиханов тек атақты әулеттің лайықты ұрпағы ғана емес, сонымен қатар қазақ халқының ардақты перзенті, ұлт мақтанышы, жастарға үлгі боларлық тұлға.
Оның өмірі — білімнің, еңбектің және туған жерге деген сүйіспеншіліктің ұлы адамға айналдыратынының жарқын дәлелі.
Шоқан Уәлихановтың рухани мұрасы мен өнегелі өмір жолы бүгінгі ұрпақты білімге ұмтылуға, дәстүрді қастерлеуге және халқы мен еліне адал қызмет етуге шабыттандырсын! Іс-шараға 20 оқушы қатысты.
