Денсаулық, еркіндік және бақытты болашақ — біздің таңдауымыз!
📚 12 тамызда Орталық аудандық кітапханада салауатты өмір салтын қалыптастыруға және есірткі заттарын қолданудың алдын алуға арналған профилактикалық іс-шара өтті.
👥 Кездесуге түрлі сала өкілдері: медицина қызметкерлері, Жастар ресурстық орталығының және полиция қызметкерлері қатысты. Мамандардың қатысуымен өткен кездесу мазмұнды, ашық әрі қатысушылар үшін пайдалы болды.
👩⚕️ Психикалық денсаулық кабинетінің медбикесі Вицкая Наталья Николаевна қазіргі қоғамдағы есірткіге тәуелділік мәселесі, есірткінің адам денсаулығына, психикасына және өміріне тигізетін кері әсері туралы жан-жақты айтып берді.
👮 Полиция өкілдері есірткі құралдарын заңсыз айналымға шығару және қолдануға байланысты құқықтық жауапкершілік мәселелеріне тоқталды.
👥 Жастар ресурстық орталығының қызметкерлері қатысушылармен белсенді өмірлік ұстанымның, пайдалы іспен айналысудың, жеке жауапкершіліктің және жастардың өзін-өзі дамыту мүмкіндіктерінің маңызы туралы әңгімелесті.
💬 Кездесу барысында жастар арасында нашақорлықтың алдын алу, өз денсаулығына жауапкершілікпен қарау, қоршаған ортаның кері ықпалына қарсы тұра білу және саналы таңдау жасау мәселелеріне ерекше назар аударылды. Қатысушылар маңызды сұрақтарды талқылады: неліктен жастар зиянды әдеттердің құрбаны болады, сыртқы қысымға қарсы тұру үшін қандай жеке қасиеттер қажет, тәуелділікке ұшыраған адамның мінез-құлқы мен сыртқы келбетінде қандай өзгерістер байқалады. Сондай-ақ қатысушылар мамандарға өздерін қызықтырған сұрақтарын қойып, өмірлік жағдайларды талқылап, пайдалы кеңестер алды.
📖 Қатысушылардың назарына кітапхана қорындағы нашақорлық мәселесі мен оның салдарына арналған қазақ және орыс тілдеріндегі әдебиеттер ұсынылды. Олардың қатарында практикалық дәрігер-хирургтың авторлығымен жарық көрген «Нашақорлық қасірет» / «Ужас наркомании» атты басылым да бар.
🌿 Бүгінде салауатты өмір салты — бұл тек жеке таңдау ғана емес, заман талабы. Дені сау болу — белсенді, табысты және өз болашағына сенімді болу деген сөз. Нашақорлықтың алдын алудың заманауи тәсілі тек ақпараттық-түсіндіру жұмыстарын жүргізу және қауіпсіз мінез-құлық дағдыларын қалыптастырумен шектелмейді. Сонымен қатар оң өмірлік құндылықтарды насихаттауға және жас ұрпаққа жақсы үлгі боларлық жасампаз бастамаларды қолдауға бағытталуы тиіс.
🤝 Іс-шара соңында қатысушылар денсаулық пен болашақтың көп жағдайда адамның өз таңдауына байланысты деген ортақ қорытындыға келді.
🌱 Бұл таңдау әрдайым өмір, денсаулық, спорт, білім, шығармашылық және жаңа мүмкіндіктер жолында болсын!
Денсаулық, еркіндік және бақытты болашақ — біздің таңдауымыз!
Қатысқандар саны: 17 адам.
