Биыл біз көрнекті әнші-ақын, әдебиетші, ғалым, аудармашы, Қазақстан Республикасының мәдениет қайраткері — Шомишбай Сариев-тің туғанына 80 жыл толуын атап өтеміз.
09 сәуір күні кітапхана қабырғасында ақынның өмірі мен шығармашылығына арналған «Шөл даланың ұлы» атты шығармашылық кеш өтті.
Іс-шара барысында кітапханашы Юлия Александровна Валяева қатысушыларға Шомишбай Сариевтің өмірі мен шығармашылық жолы, оның қазақ поэзиясы мен әдебиетінің дамуына қосқан зор үлесі туралы баяндады. Сонымен қатар ақынның шығармалары мен ән жазу өнеріне ерекше назар аударылды. Ақынның қазақстандық композиторлар әуеніне жазылған әсерлі лирикалық өлеңдері кеңінен танылып, Қазақстаннан тыс жерлерде де үлкен сүйіспеншілікке ие болды.
Талантты ақынның танымал әндерінің қатарында «Сарыарқа», «Сен менің ертегімсің», «Дос керек», «Анаға хат», «Боз жорға», «Қарағым-ай» бар. Шомишбай Сариевтің әндері Қазақстанның ең танымал орындаушыларының репертуарынан орын алған. Оның «Атамекен-ай» әнімен Роза Рымбаева Стамбулдағы «Алтын микрофон» байқауында Гран-при иегері атанды, ал композиторы оның досы К. Дүйсекеев болған «Қарағым-ай» әнін Димаш Құдайбергенов орындап, бүгінде ол бүкіл әлем тыңдармандарының сүйіспеншілігіне ие.
Іс-шара соңында кітапхана қорындағы Шомишбай Нәғашыбайұлы Сариевтің жинақтары, таңдамалы шығармалары мен өлеңдер жинақтары ұсынылған «Шөл даланың ұлы» атты кітап көрмесіне шолу жасалды.
Шара жылы, рухани атмосферада өтіп, қатысушыларға ерекше әсер қалдырды. Бұл тағы да Шомишбай Нәғашыбайұлы Сариевтің қазақ поэзиясының көрнекті өкілі болғанын дәлелдеді. Ол тәуелсіз Қазақстанның шынайы патриоты ретінде ұлттық әдебиетті дамытуға және руханиятты нығайтуға зор үлес қосып, артында бай мұра қалдырды.
Қатысушылар саны: 10 адам.
