“2023 жылдың Үздік кітапханашысы” аудандық байқауы

2022 жылдан бастап Қазақстанда 24 қазанда атап өтілетін кәсіби мереке – Кітапханашылар күні қарсаңында орталық аудандық кітапханада “2023 жылдың үздік кітапханашысы” атты аудандық кәсіби шеберлік байқауы өтті. Байқауға Бейімбет Майлин ауданының кітапхана жүйесінің  7 кітапханашысы  қатысты. Бұл мамандар – шығармашыл және батыл  адамдар! Барлығы өз ісінің шеберлері. Патриоттық сезім, оптимизм, жаңа замануи тәсілдерді пайдаланып жұмыс істеу – біздің сайыскерлеріміздің жалпы сипаттамалары.

         Байқау Ережесі бойынша қатысушылар үш тапсырманы орындады:

– «Кітапханашының өзін таныстыруы»;

– «Авторлық онлайн іс-шарасы» бейнеролик;

– «Бір кітапқа шолу».

         Қатысушылардың жұмысын құзыретті қазылар алқасы бағалады, оның қорытындысы бойынша “2023 жылдың Үздік кітапханашысы”анықталды. Сонымен, Үздік кітапханашы – Тобыл ауылдық кітапханасының кітапханашысы Ізтілеу Жанагүл Аманжолқызы!

Бас жүлде жеңімпазға бұйырды, қалған қатысушылар Алғыс хаттармен және естелік сыйлықтармен марапатталды.

Барлық қатысушыларға байқауға қатысқандары үшін алғыс білдіре, денсаулық, шығармашылдық табыс тілейміз!